1 - In nomine domini amen scachent tous presant
2 - et advenir qu aujourdhuy vingt septiesme du mois de mars
3 - mil six cens soixante huict midy pardevant moy notaire
4 - royal en Guienne soubzsigné presant les tesmoings bas nommés
5 - ont este presans en leurs personnes Jean BURNATEAU le jeune
6 - et Marye VIEILLEFON sa femme habitans au village de
7 - Burnateau parroisse de Sainct Estienne de Lisse jurisdiction
8 - de Castillon, ladicte VIEILLEFON acistée de Coulau
9 - VIEILLEFON et Marguerite SIMARD ses pere et mere qui
10 - lont authorizée par ces presentes pour la vallidite du
11 - presant testamment. Lesquels de leur bonne volonté
12 - et estant en leurs bon sens memoire et entandement
13 - toutesfois led BURNATEAU estant deteneu dans son lict
14 - malade de certaine malladie corporelle, considerant
15 - iceux quil ny a en ce monde chose plus certaine
16 - que la mort, ny plus incertaine que lheure dycelle
17 - voulant de bon heure pourvoir au salut de leurs ames
18 - et dispozer des biens que Dieu leur a baillé en ce
19 - monde, ont faict cestuy leur presant testammant
20 - et ordonnance de derniere voulonte en la forme
21 - maniere que sensuit, et premierement ont recommande
22 - leurs ames a Dieu le pere qui les a crées et formés
23 - le suppliant au nom de son cher filz Jesus Christ
24 - nostre seigneur leur pardonner leurs peches et offances
25 - supplian aussy la glorieuse Vierge Marie et tous
26 - les sainctz et sainctes de paradis estre introcesseurs
27 - et advocats pour eux envers Dieu, quand leurs ames
28 - seront separées de leurs corps icelles vouloir
29 - conduire en la gloire celleste de paradis, leur quel
30 - corps ils veullent et entandent quils soint mis et